गुप्ती

गुप्ती हे चालतांना वापरावयाच्या काठीत लपविता येणारे एक धारदार हत्यार आहे.हे हत्यार लपविण्यास काठी आतुन पोकळ केलेली असते.काठीची मुठ फिरवुन हे बाहेर काढता येते.त्याचे पाते कठिण लोखंडाचे वा पोलादाचे व सुमारे २५ ते ४५ सें.मी. लांब व दुधारी असते. यास समोरच्या भागात अणकुचीदार टोक असते.

ही सुमारे एक फूट लांबीची छोटीही असते. या हत्याराचा उपयोग स्व-संरक्षणासाठी तसेच लपून-छपून कोणावर हल्ला करण्यासाठी होत असे.